Թեև գարունը չի մտել իր լիակատար իրավունքների մեջ, սակայն օգտվելով բարենպաստ եղանակներից “Մեղրու կոմունալ տնտեսություն” ՀՈԱԿ-ի աշխատակիցները քաղաքի սանիտարական և բարեկարգման հիմնախնդիրների լուծման հետ մեկտեղ, սկսել են կանաչապատ տարածքների ավելացման գործընթացը:
Այդ նպատակի համար դեռևս մեկ տարի առաջ մանկավարժ կենսաթոշակառու Ժորա Միրզոյանը սեփական նախաձեռնությամբ իր տնկարանում աճեցրել է շուրջ 200 տնկի /դափնի, մուշմուլա, վարդ և այլն/:
Ծառատնկման աշխատանքներն իրականացվեցին Փարամազի հուշահամալիրում քաղաքի թիվ 1 միջնակարգ դպրոցի 10-րդ դասարանի աշակերտների և Ժ.Միրզոյանի ակտիվ մասնակցությամբ:
“Մեղրու կոմունալ տնտեսություն” ՀՈԱԿ-ից տեղեկացանք,որ տարածքի բարեկարգման աշխատանքները շարունակվելու են տեղադրվելու են նստարաններ , կառուցվելու է ցայտաղբյուր,իսկ տարածքի պահպանման համար նախատեսվում է ունենալ աշխատակից:
meghrinews 