Մեղրիում սկսել է գործել սոցիալ-տնտեսական իրավունքների պաշտպանության ընդունարան

Սոցիալ-տնտեսական իրավունքների պաշտպանության ընդունարանի բացման արարողություն

Հուլիսի 25-ին Մեղրի քաղաքում տեղի ունեցավ սոցիալ-տնտեսական իրավունքների պաշտպանության ընդունարանի բացման արարողություն, որին ներկա էին Մեղրիի և Ագարակի համայնքների, տարածաշրջանի պետական և հասարակական մի շարք կառույցների ներկայացուցիչներ:

Ընդուրանարանը բացվեց  «Սյունիքի երիտասարդական կենտրոն» հասարակական կազմակերպության կողմից իրականացվող և Եվրոպական միության կողմից ֆինանսավորվող «Իմացիր քո իրավունքները» ծրագրի շրջանակներում:

Բացման խոսքով հանդես եկավ «Սյունիքի երիտասարդական կենտրոն» ՀԿ նախագահ, «Իմացիր քո իրավունքները» ծրագրի ղեկավար Աննի Հայրապետյանը: Նա նշեց, որ ընդունարանի բացումը հնարավորություն կընձեռնի բարձրացնելու Մեղրու տարածաշրջանի համայնքների բնակիչների իրավազեկվածության մակարդակը և կաջակցի նրանց խաթարված սոցիալ-տնտեսական իրավունքների պաշտպանության գործում:

Արարողությանը ողջուններով հանդես եկան Մեղրիի փոխքաղաքապետ Վանիկ Սարգսյանը, Ագարակի քաղաքապետ Մխիթար Զաքարյանը, ընդունարանի համակարգող Արթուր Ղազարյանը և ուրիշներ: Ներկաները կարևորեցին այն հանգամանքը, որ ընդունարանը բացվում է Մեղրիում՝ հանրապետության ամենահեռավոր տարածաշրջանում, ինչպես նաև նշեցին, որ պատրաստ են համագործակցության` հանուն քաղաքացիական հասարակության կայացման:

Ծրագրի ղեկավարը հավելեց, որ ընդունարանը կգործի մեկ տարի: Ավարտից հետո գույքն ու գրականությունը կնվիրաբերվի Մեղրիի համայնքապետարանին:

Նյութի հեղինակ՝  Սաթի Հարությունյան

One comment on “Մեղրիում սկսել է գործել սոցիալ-տնտեսական իրավունքների պաշտպանության ընդունարան

Հաղորդագրություն

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s