Փետրվարի 20-ին Մեղրի համայնքի Կարճևան գյուղում տեղի ունեցավ նոր էկո-խաղահրապարակի բացման արարողությունը:
Խաղահրապարակը կառուցվել է Բնության համաշխարհային հիմնադրամի կողմից իրականացվող
«Ընձառյուծի պաշտպանությունը Հայաստանում» ծրագրի շրջանակներում:
Բնության համաշխարհային հիմնադրամի Հայաստանյան մասնաճյուղի բնապահպանական ծրագրերի համակարգող Արսեն Գասպարյանը նշում է.
– Առանց կայուն համայնքների մենք չենք կարող ունենալ լավ արդյունքներ բնապահպանության ոլորտում:
Խաղահրապարակն ունի կարևոր սոցիալական և կրթական նշանակություն` նպատակ ունենալով երեխաների համար ստեղծել հաճելի միջավայր ազատ ժամանակն անցկացնելու և տարածքում բնակվող վտանգված կենդանատեսակների մասին տեղեկանալու համար:
Մեղրի համայնքի ղեկավար Մխրթար Զաքարյանը ավելացնում է.
-Նմանատիպ նախաձեռնությունները շատ խրախուսելի են և ամբողջությամբ տեղավորվում են համայնքային զարգացման հնգամյան պլանի մեջ:
Տեսանյութը պատրաստվել է «Մեղրու կանանց ռեսուրս կենտրոն» ՀԿ-ի ««Համայնք»ը համայնքի համար» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։
meghrinews 