Մեղրեցիները շարունակում են պայքարել տարածաշրջանում հանքարդյունաբերության զարգացման և արդեն գործող Լիճքի հանքի շահագործման դեմ:
Պատրաստվել է ՀՀ վարչապետին ուղղված Հանրագրի ՝ Մեղրի համայնքի տարածքում երկրաբանահետախուզական և հանքերի շահագործման աշխատանքներն արգելելու, Լիճք բնակավայրում գործող պղնձի հանքավայրի շահագործումը դադարեցնելու և համայնքի տարածքում մետաղական հանքավայրերի շահագործման նկատմամբ վերահսկողություն սահմանելու նպատակով: Այսօր առավոտվանից սկսվել է հանրագրին կից ստորագրությունների հավաքման գործընթացը:
Նախատեսվում է նաև բողոքի ակցիա Լիճքի հանքի տարածքում, որի մասին տարածվել է հետևյալ հայտարարությունը.
Սույն թվականի մայիսի 18-ին առավոտյան ժամը 7:30-ին հավաքվել Մեղրու մշակույթի պալատի մոտ, որտեղից էլ կմեկնարկի երթը դեպի Լիճքի հանք:
Նյութը պատրաստվել է «Մեղրու կանանց ռեսուրս կենտրոն» ՀԿ–ի «Մեդիան՝ որպես թափանցիկության երաշխիք» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։