Ինչպես հայտնել էր meghrinews.com-ը իր նախորդ հրապարակման ժամանակ` օգոստոսի 23-ին վաղ առավոտյան Հայաստանի եւ Ադրբեջանի հարավ-արևմտյան սահմանում տեղի է ունեցել միջադեպ, կա սպանված և վիրավոր:

Ըստ ճշտված մանրամասների` միջադեպը տեղի է ունեցել ժամը  11:00-ից 11:30-ի սահմաններում: ՀՀ ՊՆ N զորամասի մարտական հենակետերից մեկում հրազենային մարմնական վնասվածքներով հայտնաբերվել են նույն զորամասի ժամկետային զինծառայողներ Ն.Պետրոսյանը եւ Ա.Ասոյանը:

Ն.Պետրոսյանը Մեղրիի բժշկական կենտրոն ՓԲԸ Ագարակի հիվանդանոցում ստացած մարմնական վնասվածքներից մահացել է, իսկ Ա.Ասոյանը տեղափոխվել է Սիսիանի զինվորական հոսպիտալ: Վերջինիս առողջական վիճակը կայուն է:

ՀՀ ՊՆ քննչական ծառայությունը իրականացնում է անհետաձգելի քննչական գործողություններ: