Հունվարի 28-ին Հայոց ազգային բանակի 21-րդ տարեդարձի առթիվ ՀՀ պաշտպանության նախարարության 50869 զորամասի Մեղրիի խառը հրետանային  դիվիզիոն էին այցելել Մեղրիի քաղաքապետարանի մշակույթի կենտրոնի վոկալ խմբի անդամները, թիվ 1 դպրոցի աշակերտները` դպրոցի ռազմագիտության ուսուցիչ, փոխգնդապետ Սամվել Հայրապետյանի գլխավորությամբ:

Հյուրերը ոչ միայն շրջեցին օրինակելի զինվորական ստորաբաժանմունքում,  ծանոթացան զինվորների առօրյային, այլև մասնակցեցին տոնական արարողակարգին: Զինվորների տրամադրությունը ավելի  տոնական դարձավ, երբ հնչեց երգն ու երաժշտությունը: Ի դեպ, դպրոցականները զինվորների համար բերել էին նաև հոբելյանական տորթ: Ավանդույթի համաձայն, զինվորներին համերգային գեղեցիկ  ծրագրով շնորհավորեցին նաև Մեղրի քաղաքի թիվ 2 դպրոցի աշակերտները:

Նյութի հեղինակ` Անի Շահնազարյան