Երեկվանից Մեղրիում լուրեր են պտտվում, որ ջրում հայտնաբերվել է խոլերայի հարուցիչ:
Այս հարցով meghrinews.com-ին պարզաբանում տվեց ՀՀ ԱՆ Հիվանդությունների վերահսկման եւ կանխարգելման ազգային կենտրոնի հատուկ վտանգավոր և օդակաթիլային ինֆեկցիաների համաճարակաբանության բաժնի պետ Լիանա Թորոսյանը:
-Յուրաքանչյուր տարի մարտ-ապրիլ ամիսներից մեր կազմակրպության կողմից ողջ Հայաստանի տարածքում կատարվում է գետերի, ջրամբարների ջրերի հետազոտություն՝ խոլերայի նկատմամբ:
Հայտնաբերումը կապված է եղել ավիրուլենտ՝ շատ թույլ, ոչ ախտածին շտամի հետ , որը հայտնաբերվել է գետի ջրում։ Նախարարությունը այս մասին տեղեկացրել է Սյունիքի մարզպետարանին՝ զգոնությունը բարձրացնելու և կանխարգելիչ միջոցառումներ իրականացնելու համար, այն է.
_Գետի ջուրը ոռոգման նպատակով առայժմ չօգտագործել՝ մինչև կրկնակի հետազոտություն իրականացնելը, պատշաճ աղբահանություն կատարել, աղիքային վարակներով հիվանդների նկատմամբ առավել զգոն լինել:
-Մենք չգիտենք թե որտեղից է եղել ինֆորմացիայի նման տարածումը, բնակչության շրջանում այդ պանիկան։ Այս պահին խոսքը չի գնում խմելու ջրի մասին, հետազոտվել է գետի ջուրը։ Խմելու ջուրը քլորացվում է, իսկ այս պարագայում խոլերայի վիբրիոնի հայտնաբերումը բացառվում է։
-Որ կազմակերպությունն է պատասխանատու խմելու ջրի որակի համար:
– Խմելու ջրի անալիզները կատարվում է մատակարարող կազմակերպության կողմից, իսկ մոնիտորինգային կարգով կամ ըստ անհաժեշտության, կամ բողոքների ու վթարների դեպքում՝ նաև մեր կողմից։
meghrinews 