Tag Archives: Քաունթերփարթ ինթերնեշնլ

Մեղրիի քաղաքային գրադարանը կհամալրվի նոր գրականությամբ

1074930_557772907618888_88078734_o

Մեղրիի մշակույթի կենտրոնի ասմունքի ստուդիայի սաները

Մեղրիի քաղաքային գրադարանը տարիներ շարունակ սպասարկում է բազմաթիվ դպրոցականների և ընթերցասերների: Գրադարանն ունի տարատեսակ ու տարբեր գրական ժամանակաշրջանների պատկանող հարուստ գրականություն:

“Քաունթերփարթ Ինթերնեշնլ”-ի և Մեղրի համայնքի համագործակցության արդյունքում իրականացվող ՀԱԽ-ի ՀԶ/hամայնքային զարգացման ծրագրով Մեղրիի քաղաքային գրադարանը կհամալրվի 60 կտոր մանկական և երաժշտական գրականությամբ:

Վերջերս գրադարանում կազմակերպվել էր “Իմ Մեղրի” գրական ցերեկույթ, որի ընթացքում Մեղրիի մշակույթի կենտրոնի ասմունքի ստուդիայի սաները հանդես եկան Մեղրիի չքնաղ բնաշխարհին ու նրա հանդեպ տածած սիրուն  նվիրված ստեղծագործություններով:

Ստուդիայի ղեկավար Աննա Ալեքսանյանը ներկայացրեց Մեղրիի մշակույթի անցյալն ու ներկան: Իրենց ստեղծագործությունները ներկայացրեցին նաև ստեղծագործողներ Աննա Աղայանը և Ներսես Աղաբեկյանը, վերջինս էլ իր “Ճաքած նուռ” հեղինակային գիրքը նվիրեց ստուդիայի սաներին:

Ցերեկույթը կազմակերպվել էր համայնքային ակտիվ խմբի (ՀԱԽ) կողմից, որին ներկա էին Մեղրիի փոխքաղաքապետ Վանիկ Սարգսյանը, ՀԱԽ-ի անդամները, ընթերցասերներ, հյուրեր:

Նյութի հեղինակ՝  Անի Սարգսյան

Հյուսիսային մարզերի ներկայացուցիչների այցը Սյունիք

IMG_3150

Մեղրիի կենտրոնական հրապարակի բացման արարողությունը

Սույն թվականի մայիսի 29-31-ը ԱՄՆ ՄԶԳ-ի կողմից ֆինանսավորվող և Քաունթերփարթ ինթերնեշնլ հայաստանյան գրասենյակի միջոցով իրականացվող Քաղաքացիական հասարակության և տեղական ինքնակառավարման աջակցության (ՔՀՏԻԱ) ծրագրի շրջանակներում կազմակերպվել էր Լոռու, Տավուշի, Շիրակի մարզերի 14 գործընկեր համայնքների (Վանաձոր, Ալավերդի, Ախթալա, Դսեղ, Դեբետ, Ծաթեր, Դիլիջան, Իջևան, Կոթի, Այգեհովիտ, Գանձաքար,Մարալիկ, Ախուրյան, Հայկաձոր) ներկայացուցիչների եռօրյա այց Սյունիքի մարզի գործընկեր համայնքներ: Յուրաքանչյուր համայնքից փորձի փոխանակման այս ծրագրին մասնակցեցին համայնքի ղեկավարը և մեկ ՀԱԽ անդամ: Սյունիքի մարզում իրենց գործընկերներին միացան ՔՀՏԻԱ ծրագրում ընդգրկված Սյունիքի մարզի 10, ինչպես նաև Վայոց ձորի 4 գործընկեր համայնքների ղեկավարները և ՀԱԽ անդամները:

Read more