Tag Archives: Ագարակ

«Մենք սահմանին ապրող մարդիկ ենք եւ իրավունք չունենք թույլ լինել…

zakaryan_mkhita_1428058637Տեղական ինքնակառավարման մարմինների գործունեության լուսաբանումը շարունակում է մնալ «Սյունյաց երկրի» ուշադրության կենտրոնում` նկատի ունենալով, որ իշխանության բոլոր օղակների մեջ հենց ՏԻՄ-ն է ամենամոտը կանգնած բնակչությանը: Ագարակի դեպքում, սակայն, մեզ հետաքրքրող այլ հարցեր եւս կան: Նախ` վերջին ամիսներին այդ տարածաշրջանում նույնպես տեղի ունեցան գործող անձանց փոփոխություններ` հայկական եւ ռուսական զորամասերի հրամանատարների, «Ագարակի ՊՄԿ» ՓԲ ընկերության գլխավոր տնօրենի: Իսկ յուրաքանչյուր ՏԻՄ-ի գործունեության հաջողությունը պայմանավորված է նաեւ տարածքի հիմնական սուբյեկտների հետ փոխհամագործակցությամբ: Ագարակի պարագայում հատկապես, քանի որ քաղաքաստեղծ ձեռնարկությունը, այնուամենայնիվ, «Ագարակի պղնձամոլիբդենային կոմբինատ» ՓԲ ընկերությունն է: Բացի դրանից` տարեցտարի զարգացող Ագարակում, այդ ամենով հանդերձ, առկա են մի շարք հիմնախնդիրներ եւ լուծում պահանջող հարցեր: Դրանք քննարկելու եւ լուսաբանելու նպատակով էլ մարտի 27-ին հանդիպեցինք Ագարակի քաղաքային համայնքի ղեկավար Մխիթար Զաքարյանի հետ:Նյութը ամբողջությամբ՝այստեղ:

Մեղրու տարածաշրջանային հիվանդանոցի շենքը նախատեսված ժամկետում պատրաստ կլինի

meghri-hospital_1425297051«Սյունյաց երկիր» թերթը պարբերաբար անդրադարձել է Մեղրու տարածաշրջանի բժշկական հաստատությունների կառուցվածքային փոփոխությանը. այս անգամ հերթական առիթը Մեղրի եւ Ագարակ քաղաքների միջակա վայրում կառուցվող հիվանդանոցային համալիրն էր: Ամիսներ առաջ հազիվ թե գտնվեր մեկը, ով ենթադրեր, որ այդ հատվածում հիվանդանոց պետք է կառուցվի: Պատկերը փոխվեց հատկապես 2014թ. հոկտեմբերին, երբ որպես ենթակապալառու կազմակերպություն (կապալառու՝ «Պառեքս-գազ» ՍՊԸ), հիվանդանոցի` անհարկի ձգձգվող շինարարական աշխատանքները ստանձնեց «Մեղրու ճանապարհների շահագործման եւ շինարարական ձեռնարկություն» ՍՊ ընկերությունը (տնօրեն՝ Ազատ Գասպարյան): Ամիսներ տեւած լայնածավալ աշխատանքների շնորհիվ շենքի երկրորդ հարկն էլ արդեն կանգուն է, եւ, Ազատ Գասպարյանի խոսքով, մեկ-երկու շաբաթից կանցնեն տանիքի կառուցման աշխատանքներին: «Աշխատանքների ներկայիս ընթացքը կատարվում է ըստ նախատեսված պլանի, հոսքային պարբերականությամբ աշխատում ենք: Եթե աշխատանքի խզում չլինի` պայմանավորված շինանյութի բացակայությամբ կամ եղանակով, ապա նախատեսված ժամկետում` մինչեւ 2015թ. սեպտեմբերի 30-ը, շենքն ամբողջովին պատրաստ կլինի, եւ կհանձնենք շահագործման», – հավաստիացնում է Ազատ Գասպարյանը: Նյութը ամբողջությամբ՝ այստեղ:

Մանուկների այցը գրքերի զարմանահրաշ աշխարհ

БезымянныйԴեկտեմբերի  22-ին Ագարակի թիվ 1 մսուր-մանկապարտեզի ավագ Բ խմբի սաները դաստիարակ Ն. Ղարիբյանի նախաձեռնությամբ այցելեցին Եղիշե Չարենցի անվան դպրոցի գրադարան:

Գրադարանավարուհի Վ. Մուրադյանը երեխաներին ծանոթացրեց գրադարանի հետ, որից հետո երեխաները գրքերի մասին ոտանավորներ արտասանեցին :

Վերջում դաստիարակ Ն. Ղարիբյանը խմբի անունից գրադարանին նվիրեց Շառլ Պերոյի հեքիաթների գիրքը:

 

Ագարակի քաղաքապետ Մխիթար Զաքարյանի հայտարարությունը

zakaryan-mkhita_1410178646Սյունիքի նոր մարզպետի հավանական թեկնածուների շուրջ քննարկումները վերջին օրերին դարձել են ներքաղաքական կյանքի թիվ մեկ հարցը:

Առաջին հայացքից շատ հաճելի է դա նկատել, քանզի այդ ամենը վկայում է Սյունիքի մարզի կարեւորության եւ մեծ նշանակության մասին: Բայց անչափ վիրավորական է, որ մեր` սյունեցիներիս անունից դատողություններ են անում մարդիկ, ովքեր ընդհանրապես Սյունիքում չեն եղել, ովքեր որեւէ պատկերացում չունեն Սյունիքի մասին, ովքեր հանդես են գալիս կեղծ ստորագրություններով, անստորագիր նյութերով կամ բացառապես բամբասանք պարունակող խզբզոցներով: Առավել ապշեցնող է հանգամանքը, որ Հայաստանում կասկածելի վարքով հռչակված ինչ-որ ծախու գրչակներ իրենց իրավունք են վերապահում նամակներ հղել Հայաստանի Հանրապետության նախագահին եւ առաջարկություններ անել` մտածելով, որ իրենց անբարո գոյությամբ կարող են ներազդել պետության համար կարեւոր նշանակություն ունեցող հարցերի լուծմանը:

Սյունիքի մարզպետի հավանական թեկնածուներից գրեթե բոլորին ճանաչում են մարզի բնակիչները: Նրանցից որեւէ մեկի հասցեին ցեխ շպրտելու իրավունք մեզ չենք վերապահում, բայց առավել ցանկալի ենք համարում Սուրեն Խաչատրյանի թեկնածությունը: Նրա փորձը, Սյունիքի մարզի հիմնախնդիրների փայլուն իմացությունը, նրա գործնական ու գործարար հատկանիշները, բացառիկ աշխատասիրությունը, կազմակերպական հմտություններն ու հոգեւոր-մշակութային արժեքների հանդեպ նվիրվածությունն այն հատկանիշներն են, որոնք պետք է ունենա Սյունիքի նորօրյա մարզպետը:

Սա հազարավոր սյունեցիների ու հատկապես Մեղրու տարածաշրջանի բնակիչների կարծիքն է, եւ կուզենայինք, որ Հայաստանի Հանրապետության բարձրագույն ղեկավարությունը հաշվի նստեր այն մարդկանց կարծիքի հետ, ովքեր ապրել, ապրում են եւ ապրելու են Սյունիքում` շարունակելով կատարել իրենց հերոսական նախնիների պատգամը` ամուր եւ շեն պահել սյունյաց փառապանծ երկիրը: Նյութի աղբյուր` syuniacyerkir.am

Մեղրի-Ագարակ ֆուտբոլային հանդիպում /Ֆոտոշարք/

545

Մեղրի-Ագարակ ֆուտբոլային հանդիպում

Այսօր Մեղրիի քաղաքային մարզադաշտում մարզադպրոցի տնօրեն Իշխան Միրզոյանի նախաձեռնությամբ կազմակերպվել էր ֆուտբոլային ընկերական հանդիպում Մեղրիի և Ագարակի վետերանների միջև: Այդ հանդիպումը նվիրված էր երկար տարիների մարզիչ Ընձակ Մարգարյանի հիշատակին, ով մեծ ներդրում է ունեցել տարածաշրջանի սպորտի զարգացման գործում:

Խաղն անցավ հավասար պայքարում:

Առաջին գոլը գրանցվեց երկրորդ խաղակեսի 15-րդ րոպեին` Ագարակի թիմի  խաղացող Անդրանիկ Մուսաելյանի հարվածից հետո: Ապա ագարակցիները իրենց տուգանային հրապարակում խախտեցին խաղի կանոնները և մրցավար Ս.Օհանյանը նշանակեց 11 մետրանոց տուգանային հարված: Այն իրացրեց Լյովա Ահարոնյանը: Խաղն ավարտվեց 1:1 հաշվով: Read more

Մեղրի-Ագարակ ֆուտբոլային հանդիպում /Ֆոտոշարք/

545

Մեղրի-Ագարակ ֆուտբոլային հանդիպում

Այսօր Մեղրիի քաղաքային մարզադաշտում մարզադպրոցի տնօրեն Իշխան Միրզոյանի նախաձեռնությամբ կազմակերպվել էր ֆուտբոլային ընկերական հանդիպում Մեղրիի և Ագարակի վետերանների միջև: Այդ հանդիպումը նվիրված էր երկար տարիների մարզիչ Ընձակ Մարգարյանի հիշատակին, ով մեծ ներդրում է ունեցել տարածաշրջանի սպորտի զարգացման գործում:

Խաղն անցավ հավասար պայքարում:

Առաջին գոլը գրանցվեց երկրորդ խաղակեսի 15-րդ րոպեին` Ագարակի թիմի  խաղացող Անդրանիկ Մուսաելյանի հարվածից հետո: Ապա ագարակցիները իրենց տուգանային հրապարակում խախտեցին խաղի կանոնները և մրցավար Ս.Օհանյանը նշանակեց 11 մետրանոց տուգանային հարված: Այն իրացրեց Լյովա Ահարոնյանը: Խաղն ավարտվեց 1:1 հաշվով: Read more

« Older Entries