Category Archives: Լուրեր

Խոշոր հրդեհ է բռնկվել Լեհվազ-Վարդանիձոր ավտոճանապարհից «Արևիկ ազգային պարկ» ընկած հատվածում (տեսանյութ)

Այս պահի դրությամբ հրդեհը ամբողջությամբ մարվել է, ԱԻՆ-ի կողմից իրականացվում է հերթապահություն:

Հիշեցնենք որ օգոստոսի 11-ին, ժամը 16:03-ին «911» ծառայությանն ահազանգ է ստացվել, որ հրդեհ է բռնկվել Սյունիքի մարզի Լեհվազ-Վարդանիձոր ավտոճանապարհին գտնվող անտառում:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ.  հայտարարվել է Մեղրիի ՀՓՋ-ի անձնակազմի հավաք:

Տեղազննման արդյունքում պարզվել է, որ Լեհվազ-Վարդանիձոր ավտոճանապարհի աջակողմյան հատվածում այրվում է բուսածածկ տարածք և եղևնուտ, տեղանքը խիստ կտրտված է և դժվարանցանելի, առկա է հրդեհի տարածման վտանգ:

Հրդեհաշիջման գործընթացին ներգրավվել են երկու մեկական մարտական հաշվարկ, Մարզային փրկարարական վարչության օպերատիվ խումբը (15 հրշեջ փրկարար), հատուկ նշանակության փրկարարական աշխատանքների իրականացման կենտրոնից երկու մարտական հաշվարկ (10 փրկարար), Ճգնաժամային կառավարման ազգային կենտրոնի արտակարգ իրավիճակների արձագանքման խումբը (4 փրկարար) և ՓԾ օպերատիվ կառավարման վարչության կապի մեքենան (3 փրկարար):

Ժամը 21:00-ին ԱԻ նախարարի մոտ կայացած օպերատիվ աշխատանքային խմբի արտահերթ նիստում քննարկվել են ստեղծված իրավիճակով պայմանավորված ռիսկերը, արձագանքման և հետևանքների վերացման առանձնահատկությունները:

Օգոստոսի 12-ին, ժամը 08:10-ին ծավալվել է օպերատիվ շտաբ: Հրդեհաշիջման գործընթացին ներգրավվել է հրշեջ-փրկարարական ջոկատներից ևս 30 հրշեջ-փրկարար: Հետախուզման արդյունքում պարզվել է, որ հրդեհը տարածվել է մոտ 10-12 հա բուսածածկ տարածքում, այրվել են խոտածածկույթ, գիհի և եղեգնուտ:

Հրդեհը մեկուսացվել է ժամը 09:46-ին:

Հրդեհաշիջման աշխատանքներին մասնակցում է 67 փրկարար (4 մարտական հաշվարկ), ՓԾ օպերատիվ կառավարման վարչության կապի մեքենան, ՊՆ Մեղրու N զորամասից 30 ծառայող, Մեղրու ոստիկանության 45, «Հայանտառ» ՊՈԱԿ Սյունիքի մասնաճյուղի 25 (8 միավոր տեխնիկա), «Զանգեզուր կենսոլորտային համալիր» ՊՈԱԿ-ի 15, «Արևիկ ազգային պարկ»-ի 15 աշխատակից և Մեղրու ՃՇՇ-ից մեկ միավոր տեխնիկա:

Նյութի աղբյուրը` mes.am:

 

Հանդիպում ՀՀ աշխատանքի և սոցիալական հարցերի փոխնախարար Գեմաֆին Գասպարյանի հետ

Այսօր` օգոստոսի մեկին, աշխատանքային այցով Մեղրիում էր ՀՀ աշխատանքի և սոցիալական հարցերի նախարարի առաջին տեղակալ Գեմաֆին Գասպարյանը: Նրա հետ հանդպմանը մասնակցում էին սոցիալական ապահովության ծառայության Մեղրու տարածքային բաժնի, Մեղրու զբաղվածության տարածքային կենտրոնի, սոցիալական աջակցության Մեղրու տարածքային գործակալության, բժշկասոցիալական փորձաքննական հանձնաժողովի աշխատակիցներ, ՀԿ- ների ներկայացուցիչներ:
Գեմաֆին Գասպարյանը ներկայացրեց «Հաշմանդամություն ունեցող անձանց իրավունքների մասին» և «Ֆունկցիոնալության գնահատման մասին» օրենքների նախագծերը:
Ներկաները տվեցին իրենց հետաքրքրող հարցերը, խոսեցին առկա խնդիրների մասին` ակնկալելով լուծումներ:

 

Բնապահպանական և սոցիալ- տնտեսական ծրագրեր Մեղրիում

2017թ-ից  Պահպանվող տարածքների աջակցման ծրագրի ֆինանսավորմամբ Մեղրի համայնքում իրականացվում են մի շարք սոցիալ-տնտեսական և բնապահպանական ուղվածություն ունեցող ծրագրեր:  Ներկայումս իրականացվում է 4 դրամաշնորհային ծրագիր:

Պահպանվող տարածքների աջակցման ծրագիրը իրականացվում է հայ-գերմանական միջկառավարական համաձայնագրի շրջանակներում: Ծրագրի բյուջեն կազմում է 8.25 մլն եվրո:

Մանրամասները տեսանյութում.

«Ֆրեսկոն սահմանին». Մեղրի

Այսօր հուլիսի` 13-ին Մեղրիի մշակույթի կենտրոնում տեղի ունեցավ «Ֆրեսկոն սահմանին» միջազգային փառատոնային ֆիլմերի դիտում քննարկում:

Փառատոնը նպատակ ունի խրախուսել և քարոզել ոչ կոմերցիոն ֆիլմերի ցուցադրությունը: Ֆիլմերը ներկայացնում են ընտանեկան արժեքներ, բարություն, խաղաղություն:

Կազմակերպվել էր ցուցադրությն, որտեղ ներկայացված էին Գրիգոր Եփրեմյանի, Հայր Ղևոնդի, Դիմիտրի Բրիկմանի լուսանկարները:

Չնայաց դահլիճում ներկա էին ընդհամենը 8 հանդիսատես, այնուամենայնի ֆիլմերի ցուցադրությունը կայացավ:

Ցուցադրվեց երեք ֆիլմ, որից հետո եղավ ակտիվ քննարկում:

 

 

« Older Entries Recent Entries »