Category Archives: Լուրեր

Անտառապահը

Ստեփանը Մեղրու անտառների պահապանն ու հսկողն է արդեն 32 տարի։ Անգիր գիտի անտառամիջի ամեն անկյուն: Օրն սկսում է առավոտ ծեգին։ Աշխատավայրի փոխադրամիջոցով հասնում է իր պահաբաժինը։ Հետո արդեն ոտքով է կտրում անտառի ճամփան։ Շրջում է, հետեւում անտառի շարժին. ապօրինի ծառահատման, որսագողության դեպքեր, մարդկանց ու կենդանիների տեղաշարժ, ամեն ինչ պետք է արձանագրել:
Ասում է՝ իր աշխատելու տարիներին վայրի բնակիչներին դեմ առ դեմ չի հանդիպել։ «Զենք չունեմ, չեմ էլ սիրում: Անտառի կենդանիներից վախենալ պետք չէ, եթե իհարկե սոված գայլերի ոհմակի չես հանդիպել»,- ասում է երկարամյա անտառապահ Ստեփան Մարկոսյանը, որն այժմ «Արեւիք» ազգային պարկում տեսուչ է աշխատում: Նյութն ամբողջությամբ այստեղ:

Մշակութային կյանքը Մեղրիում

Երբ միջավայր չկա՝ մշակութային կարողությունները զարգացնելու համար, երիտասարդները ստիպված համացանցում են փնտրում այն: Այդպես է արել նաև Մեղրիի շրջանի Նռնաձոր գյուղական համայնքի բնակիչ 17-ամյա Ռոբերտ Բաբայանը: Համացանցի միջոցով սովորել է կիթառ նվագել: Սկսել է 2015 թ.-ին: Երաժշտական կրթություն չունի: Պարզապես, հեռախոսի մեջ ներբեռնել է ծրագիր, որով սովորել է նվագել երաժշտական այս գործիքը: Նյութն ամբողջությամբ այստեղ:

Կարճևանի «պայթյունավտանգ» տները

«Ագարակի պղնձամոլիբդենային կոմբինատ» ՓԲ ընկերության հանքավայրի պայթեցումների պատճառով հարեւանությամբ ապրող Կարճեւանի բնակիչների շրջանում կրկին դժգոհություններ են առաջացել:

Կարճեւան գյուղական բնակավայրը 2016թ.-ին ընդգրկվել է Մեղրու խոշորացած համայնքի կազմում: 106 տնտեսություն ունեցող Կարճեւանը Ագարակի պղնձամոլիբդենային կոմբինատի հանքավայրից ուղիղ գծով գտնվում է 2-2,5 կմ հեռավորության վրա։ Գյուղից շատերն աշխատում են կոմբինատում: Նյութն ամբողջությամբ այստեղ:

ՀԱՐԱՎԻ ՀՐԴԵՀՆԵՐԸ

Անցած ամառ՝ օգոստոսի 11-ին, խոշոր հրդեհի հետևանքով «Արևիք» ազգային պարկում այրվեց 52 հա տարածք՝ 10 հա անտառածածկ, 42 հա՝ խոտածածկ:
«19 հեկտարի այրման ծանրության աստիճանը ցածր է, 25 հեկտարինը՝ միջին, իսկ 8 հեկտարն այրման ծանրության բարձր աստիճան ունի: Այրված տարածքների զննման և գնահատման աշխատանքների արդյունքում պարզվեց, որ ծառածածկ տարածքում հրդեհից այրված և ջարդված (վնասված) ծառերի թիվը կազմում է 556, այրված կանգուն ծառերի թիվը՝ 3844, ջերմահարված ծառերի, թփերի թիվը՝ 3690»,- Meghrinews.com-ին տեղեկացրեց Շրջակա միջավայրի նախարարությունը: Նյութն ամբողջությամբ՝ այստեղ:

 

« Older Entries