Օգոստոսի 12-ին Մեղրիում պաշտոնապես բացվեց «Քաղաքացիական պայմանագիր» կուսակցության գրասենյակը: Բացմանը ներկա էին ԱԺ պատգամավոր Սասուն Միքայելյանը և «Քաղաքացիական պայմանագիր» կուսակցության մարդկային ռեսուրսների խմբի ղեկավար Մեսրոպ Պապիկյանը, Սյունիքի փոխմարզպետ Նարեկ Բաբայանը, կուսակցության անդամներ, համակիրներ:
Սասուն Միքայելյանը նշեց.
_Մենք պետք է գիտակցաբար աշխատենք, վստահության օջախ ստեղծենք` հասարակությանը չվանելով մեզանից, այտեղ պետք է լինի ոչ թե պարզապես գրասենյակ, այլ հույսի հավատի, մարդկության և մաքրության գրասենյակ: 
Կուսակցության տեղական կառույցի անդամները վստահեցրին, որ ամեն ինչ անելու են հասարակության վստահությունը շահելու համար և որ նվիրված են ազատ անկախ Հայաստանի կերտման գործին:
Նրանք բարձրաձայնեցին այն առաջնային խնդիրները, որոնք առկա են Մեղրիում՝ քաղաքի գազամատակարարումը, մատակարարվող ջրի որակը, ապրանքների թանկ լինելը:
Նյութը պատրաստվել է «Մեղրու կանանց ռեսուրս կենտրոն» ՀԿ-ի «Մեդիան՝ որպես թափանցիկության երաշխիք» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։
meghrinews 