Մայիսի 15-ին առավոտից Ագարակի պղնձամոլիբդենային կոմբինատի աշխատակիցները գործադուլ էին հայտարարել: Հստակ պահանջը մեկն էր՝ աշխատավարձի բարձրացում:
Ագարակի հրապարակում հավաքված գործադուլավորների հետ հանդիման եկան Ագարակի պղնձամոլիբդենային կոմբինատի գլխավոր տնօրեն՝ Անդրեյ Սինյակովը և Մեղրի համայնքի ղեկավար Մխիթար Զաքարյանը:
Հրապարակում կայացած նախնական քննարկումից հետո, բանակցությունները շարունակելու համար կողմերը որոշեցին ստեղծել խումբ, ընդգրկելով յուրաքանչյուր արտադրամասից 2 ներկայացուցիչ:
Թե ինչպես կզարգանանք իրադարձությունները դժվար է ասել, բայց
աշխատակիցները վճռական են տրամադրված, որոշել են` պահանջի չբավարարման պարագայում շարունակել գործադուլը:
Նյութը պատրաստվել է «Մեղրու կանանց ռեսուրս կենտրոն» ՀԿ-ի «Մեդիան՝ որպես թափանցիկության երաշխիք» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։
meghrinews 