Հոկտեմբերի 26-ին Մեղու թիվ 1 միջնակարգ դպրոցում տեղի ունեցավ «Հայ զինվոր» խորագիրը կրող պաստառների մրցույթը:
«Հայ զինվոր» մրցույթի աշխատանքները սկսվել են դեռ 1 ամիս առաջ: Մեղրի համայնքի բոլոր դպրոցներում կազմակեպվել են դաս – միջոցառումներ, որի արդյունքում աշակերտները պատրաստել են մրցույթին ներկայացվող պաստառները:
Մրցույթի հիմքում  ազգ – բանակ ամուր կապի ստեղծուն ու ամրապնդում է: Նպատակը հայրենասիրության սերմանում է աշակերտների շրջանում դեռ դպրոցական նստարանից՝ մեր անկախության, մեր պետականության, Հայաստանի Հանրապետության և  Արցախի խաղաղ, բնականոն կյանքի պահպանման համար:

Մրցույթին մասնակցում էի Մեղրիի թիվ 1, թիվ 2, Ագարակի, Լեհվազի, Վարդանիձորի, Շվանիձորի, Ալվանքի դպրոցների թիմերը:
Պաստառները ցուցադրվեցին սրահում, այնուհետը յուրաքանյուր դպրոց ներկայացրեց իր աշխատանքն ու մեկնաբանությունը, մրցույթի վերջում հանձնաժողովի անդամների ձայների  մեծամասնությամբ հաղթեց Շվանիձորի միջնակարգ դպրոցի թիմը, որի աշխատանքում պատկերված էր կենտրոնում հպարտ կանգնած հայ զինվորը, իսկ շուրջը՝ բնականոն հունով ընթացող կյանքը՝ տաքսու վարորդն ու խոհարարը, շինարարն ու ոստիկանը:
Զինկոմիսարիատի ներկայացուցիչ ավագ ենթասպա Էդգար Առաքելյանը կարևորեց դպրոցներում նման միջոցառումների անցկացումը.
_ Դպրոցինց դեպի զինված ուժեր ընդամենը 1 քայլ է:
Իսկ փոխգնդապետ Սամվել Հայրապետյանն էլ նշեց.
-Բոլոր աշխատանքներում հայրենասիրություն եմ տեսնում, ամեն մեկդ յուրովի եք մեկնաբանում և փաստ է՝ հայրենիքն առանց բանակի ոչինչ է:

Նյութը պատրաստվել է «Մեղրու կանանց ռեսուրս կենտրոն» ՀԿ-ի «Մեդիան՝ որպես թափանցիկության երաշխիք» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։