Արդեն 3-րդ տարին է ՀՀ սպորտի և երիտասարդության հարցերի նախարարությունը անց է կացնում ՀՀ Նախագահի մրցանակի համար «Հաշմանդամություն ունեցող լավագույն մարզիկ» մրցույթը, որին մասնակցում են տարբեր հաշմանդամություն ունեցող մարզիկներ 7 մարզաձևերով՝ դարտս, շաշկի , շախմատ, բասկետբոլ, եռամարտ:
Meghrinews.com -ի լրագրողները մրցույթի մասնակիցներին հանդիպեցին Ծաղկաձորի «Սպորտ կոմպլեկս» հյուրանոցում:
Մասնակիցները միաձայն են.
-Թեժ մրցակցություն է, վախենում են մեր թիմից, ամեն ինչ անելու ենք առաջին հորիզոնականը զբաղեցնելու համար:
Մրցույթին մասնակցում էին շուրջ 200 հոգի՝ հանրապետության բոլոր մարզերից:
Սյունիքի մարզպետարանի աշխատակազմի սպորտի բաժնի պետ Սարգիս Դավթյանն էլ նշեց, որ Սյունիքի մարզը ներկայացնում է 9 հոգի՝ Մեղրի, Կապան, Սիսիան, Գորիս քաղաքներից՝ տարբեր տարիքային խմբերում:
68 ամյան Ժորա Համբարձումնյանը, ով տարիքով ամենամեծն է, երիտասարդներին հաջողություն է մաղթում, շեշտելով, որ մասնակցությունն ամենամեծ հաղթանակն է:
Հիշեցնենք, որ անցած տարի Սյունիքի մարզը զբաղեցրել էր 2-րդ մրցանակային տեղը:
Նյութը պատրաստվել է «Մեղրու կանանց ռեսուրս կենտրոն» ՀԿ-ի «Մեդիան՝ որպես թափանցիկության երաշխիք» ծրագրի շրջանակներում։ Ծրագիրը ֆինանսավորվել է ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում։ Այս տեսանյութում արտահայտված է հեղինակի դիրքորոշումը, որի համընկնումը ԱՄՆ պետքարտուղարության դիրքորոշման հետ պարտադիր չէ։
meghrinews 