Որդիս զինվոր է … մայրերի սրտի խոսքը Մեղրիից

collage

 

Հունվարի 28-ը Հայոց բանակի կազմավորման օրն  է: Բանակում ծառայող մեղրեցի զինվորների մայրերը Meghrinews.com-ի հետ կիսվում են զգացողություններով և իրենց մաղթանքն են ուղղում զինվորներին ու Հայոց բանակին:

 

 

 

 

15241288_123262494824208_1616221136117650432_n

 

 

Եղնիկներում ծառայող “եղնիկ” բալես, այսպես է մայրը՝ տիկին Մարին, անվանում որդուն՝ Արթուրին: Արթուրն Ապրիլյան պատերազմի մասնակից է,մեկ տարի վեց ամիս է ինչ ծառայության մեջ է:
– Ամեն մի շարժը զգում եմ` սոված, թե ծարավ, հիվանդ թե առողջ, զինվոր տեսնելուց, անկախ ինձանից, ուզում եմ համբուրեմ, զինվորիս կարոտը առնեմ: Մեր մայրերի աղոթքը նրանց, համբերություն ու առողջություն մեր տղաներին:
Սյունյաց լեռները նրանց են սպասում:

 
13096035_1029978750418612_3312873903474404957_n

Մամ մի մտածի, շատ լավ ա…

Տիգրանի խոսքերն են մորը՝ տիկին Արաքսին: Այսօր էլ հենց լրանում է Տիգրանի ծառայության մեկ տարին: Մարտակերտում է ծառայում:
– Շատ եմ կարոտել որդուս, մեր տունն առանց իրեն չի տաքանում:
Գիտե՞ս, ես չեմ ուզում, որ իմ Տիգրանն այս երկու տարվա բացակայությունը ուղղակի պարտավորություն համարի, որ երկու տարի պարտադիր պիտի ծառայի: Ու շատ ուրախ եմ, որ ինքը գիտակցում ա՝ իրա պիտանելիությունը բանակին:
Ես ուզում եմ, որ բոլոր զինվորները վերադարձի օրը չհաշվեն, ինչպես և մենք՝ ծնողներս, որքան էլ որ կարոտում ենք, որքան էլ մեր տները ցուրտ են առանց իրենց:

14479751_330602227291668_7607427983242142550_n

 

 

Տղաս զինվոր է:
Այն ինչ հիմա զգում եմ, անհնար է բառերով նկարագրել:
Դավիթ Գևորգյանը արդեն 6 ամիս է ինչ ծառայում է Ղարաբաղում:
-Ամեն օր սրտատրոփ նրա զանգին եմ սպասում, աղոթում Աստծուն` թե’ նրա, և թե’ մեր բոլոր զինվորների առողջության և անփորձանք ծառայության համար:
Խաղաղություն մեր երկրին: Անսահման ուժ ու եռանդ մեր զինվորներին, թող Աստված օրհնի և պահապան լինի յուրաքանչյուր զինվորի:

 

 

16174667_1640198002948757_7474452297066133014_n

 

 

 
Վարոս Կարախանյանն օրերս է մեկնել բանակ: Մայրը՝ տիկին Ալլան, արդեն հասցրել է կարոտել որդուն:

Մանկուց որդուս մեջ հայրենասիրություն եմ սերմանել, վստահ եմ, բարձ կպահի Հայոց բանակի պատիվը:
Սահմանին կանգնած զինվորներին առողջություն ու անփորձանք ծառայություն եմ մաղթում:

 
15078514_1302836436449244_3699059995576285593_n

Տիգրանիս ծառայությունից անցել է ավելի քան 6 ամիս…

Որպես բժիշկ-փորձագետ 2005թ-ից ի վեր  աշխատում եմ նախազորակոչային և զորակոչային տարիքի տղաների հետ և հուզմունքով եմ ճանապարհել  յուրաքանչյուր զորակոչ: Երբ արդեն իմ որդին պետք մեկներ բանակ,  առավել պատասխանատու պահ էր ինձ համար և  ես հասկանում էի, որ իմ պահվածքով օրինակ պետք է  լինեմ մայրերի համար:  Տիգրանն արդեն Հայոց բանակի հրետանային հետախուզական ջոկատի հրամանատար է, կրտսեր սերժանտ:
-Հպարտանում եմ յուրաքանչյուր զինվորի հաջողությամբ և անհանգստանում յուրաքանչյուրի համար:
Շնորհավորում եմ Հայոց Բանակի տոնի առթիվ բոլորիս, մաղթում ամենակարևորը՝ խաղաղություն և անփորձանք ծառայություն բոլոր զինվորներին:

Meghrinews.com-ը նույնպես միանում է բոլոր շնորհավորանքներին և զինվորներին մաղթում անփորձանք ծառայություն և բարի վերադարձ:

                                                                                          Նյութի հեղինակ ՝ Արփի Ադամյան

collage

 

Հաղորդագրություն

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s