Ծնողական հոգատարությամբ ու խստությամբ եմ վերաբերում սաներիս, միասնական ու ամուր ընտանիք ենք:
Կարեն Սամսոնյանը ծնունդով  Ապարանից է, 14 տարեկանից տեղափոխվել է Երևան, մասնակցել մարզչական պարապմունքների, 18 տարեկանում, արդեն որպես մարզիչ, զորակոչվել է բանակ, եղել Վազգեն Սարգսյանի հատուկ ջոկատի մարզիչը:
Ներկայացնում է Կիոկուշի կարատե –դո ֆեդերացիան:
Ֆեդերացիայի կողմից, հեռավոր շրջաններում սպորտի զարգացման ուղղված ծրագրի շրջանակներում, գործուղվել է Մեղրի, այժմ  ապրում և աշխատում  է Մեղրիում:

Առաջին բացահայտում հարավն էր՝ Մեղրին:
-Ես պատկերացում անգամ չունեի, որ հնարավոր ա էստեղ այսքան սաներ հավաքել,-ասում է սենսեյ Կարենը: -Մեղրեցի սաների մեջ նվիրվածություն ու նժդեհական ոգի եմ տեսնում, պատահական ոչինչ չի լինում, առողջ երեխաներ են:

-Կրթել, կրթել, դաստիրարակել, այս կարգախոսով եմ անց կացնում պարապմունքները, լինում են ամսվա մեջ հոգեբանական դասընթացներ, երբ կյանքից օրինակներ եմ բերում, ցույց տալիս, որ կարող են կամքի ուժով հաղթահարել ցանկացած դժվարություն: Ամենամեծ հաջողությունս կլինի այն, որ երեխաները սիրեն աշխատանքը:
Կարատեի սաները թվով 130 են, դպրոցներ կան Մեղրիում, Ագարակում, Լեհվազում:

Խոսելով կարատեից, սենսեյ Կարենը նշեց.
-Արևելյան մարտարվեստում փիլիսոփայությունն ու հոգեբանությունն է խոսում, ամենաուժեղ կարատեիստը նա է, ով չի օգտագործում իր սովորածը, Աստված չանի որ սաները իրենց սովորածը օգտագործեն փողոցում, հարևանի վրա, մարտարվեստը ինքն իրենով արգելում է հարձակվելը, այն միայն պաշտպանական է:

Հունիս ամսին մասնակցելով “Քառօրյա պատերազմում զոհված զինծառայողներին նվիրված մրցաշարին”, 23 մարզիկ` 23 հաղթանակ արդյունքով  և 14 ոսկե մեդալով վերադարձան:

Թիմը ճանաչվեց նաև կազմակերպչական լավագույն թիմ, մեկ մարդու նման կազմակերպչական աշխատանք են կատարել:

Սենսեյ Կարենը փորձում է զարգացնել սպորտը և առողջ ապրելակերպը, հիշում է ՝ անգամ ծխող տղա է մոտեցել, խոստացել դադարեցնել ծխելն ու միանալ մարզումներին, անկեղծ զրույց են ունեցել ու որոշել է հնարավություն տալ նրան:

7-8 ամսիների ընթացքում Գուրիկը երեք գոտի հանձնեց ու դարձավ չեմպիոն, այժմ նրան հնարավորություն է ընձեռնվել Երևանում մասնակցելու ֆեդերացիայի պարապմունքներին: Գուրիկը նշեց, որ սիրում է սպրոտն ու սիրով հաճախում, ծնողները, ընկերներն ու բարեկամները հպարտանում են հաջողություններով, խոստացել է՝ աշխարհի չեմպիոն է դառնալու:

Սենսեյ Կարեն շատ կարևոր է համարում նաև աղջիկների մարզվելը, աղջիկը նույնպես պաշտպանվելու կարիք ունի: Տղաների շարքերում տեսանք Ալլային.
-Պատահական որոշեցի գալ ու մնացի: Եկավ պահ, որ հասկացա, ուզում եմ շարունակել մարզումները, եթե ձգտում կա ամեն ինչ կստացվի:
Իսկ փոքրիկը սենսեյի հինգամյա դուստրն է՝ Ռուզաննան, իր ցանկությամբ է որոշել մարզվել:

Սենսեյ Կարենը իր խոսքում շնորհակալություն հայտնեց  Մեղրիի քաղաքապետ Արշավիր Հովհաննիսյանին և ” Մեղրու ՃՇՇ–ի պետ Ազատ Գասպարյանին՝ աջակցության համար: