Լիճքի պղնձի հանքը լուրջ վտանգ է Մեղրու տարածաշրջանի ջրերի համար:

DSCN5725Երկու տարվա ընդմիջումից հետո «Թաթսթոուն» ՍՊԸ-ն նորից ակտիվացել է և ցանկանում է շահագործել Սյունիքի մարզի Լիճքի պղնձի հանքավայրը, որը գտնվում է նույնանուն գյուղից ընդամենը 500 մետր հեռավարության վրա: 2013 թ.-ին ստանալով հանքավայրը շահագործելու բոլոր թույլտվությունները, այս ընկերությունն առ այսօր չի սկսել շահագործումը՝ հիմնավորելով դա այն փաստարկով, թե իբր թե կատարել է պաշարների վերագնահատում: Սակայն, ըստ մեզ հասած հավաստի լուրերի, պատճառը լրիվ այլ է: Իրականում հանքավայրի շահագործման փաթեթը 2013-ին պետք է վաճառվեր արտասահմանյան մի ընկերության, բայց թե այդ ընկերության պատասխանատուները հրաժարվել են գործարքից՝ տեղեկանալով հանքավայրի իրական էկոլոգիական վտանգների մասին:

Ամենայն հավանականությամբ այժմ նոր «չաղլիկ» գնորդ է հայտնվել, ինչի պատճառով էլ «Թաթսթոուն»-ը շտապել է բնապահպանական նախարարություն ներկայացնել հանքավայրի շահագործման նոր նախագիծ, որի նախնական գնահատման հայտի շրջակա միջավայրի վրա ազդեցության հանրային առաջին քննարկումները տեղի են ունենալու օգոստոսի 14-ին ժամը 13:00-ին՝ Լիճքի գյուղապետարանում:

Ձեզ ենք ներկայացնում երկու տարի առաջ արված տեսանյութերից հատվածներ, որոնք ներկայացնում են այս հանքավայրի իրական վտանգները, տեղի բնակիչների կարծիքներն ու պատմությունն այն մասին, թե ինչպես են հանքարդյունահանողները խաբել լիճքեցիներին:

Ավելացնենք նաև, որ այս հանքավայրի տարածքը գտնվում է «Արևիկ» ազգային պարկի սահմաններում, անտառապատ է և ունի շատ հարուստ կենսաբազմազանություն: Մեղրի քաղաքի և այլ բնակավայրերի խմելու ջրամատակարարման ջրաբաշխիչ համակարգի սանիտարական գոտին նույնպես այս տարածքում է, և հանքավայրի շահագործումը կարող է ինչպես որակական, այնպես էլ քանակական բնույթի շատ լուրջ ազդեցություն թողնել Մեղրի գետի ջրի և խմելու ջրամատակարարման համակարգի վրա:

Կոչ ենք անում Մեղրիի տարածաշրջանի բոլոր բնակիչներին, և հատկապես Լիճքի գյուղացիներին, տեր կանգնել իրենց բնությանը, հողին, անտառին, ջրին, ու թույլ չտալ ապականել մեր Հայրենիքի էկոլոգիապես դեռևս մաքուր տարածքներից ևս մեկը:

Հաղորդագրություն

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s