25 տարվա սպասումները ապարդյուն չանցան

Շուրջ 25 տարի է ինչ Սյունիքի մարզի Վարդանիձոր համայնքի   բնակիչների համար առաջնային խնդիր է համարվում խմելու ջրի բացակայութունը: Մեր նախորդ տեսանյութում բնակիչները հույս չունեին ,որ կգա այն օրը, երբ իրենց բակերում կունենան խմելու ջուր:

Այս խնդրին հանրային հնչողություն տալու համար 2013թ հունիս ամսին ՙԸնդդեմ Իրավական կամայականության՚ ՀԿ Մեղրիի մասնաճյուղի կողմից  կազմակերպվել էր ստորագրահավաք, որին մասնակցել էին Թխկուտ և Վարդանիձոր գյուղերի բնակիչները:  Այնուհետև  բնակիչների կողմից  կազմվել էր դիմում` ջրամատակարարման ծառայություններ մատուցող  ՙՀայջրմուղկոյուղի՚ ՓԲԸ Հարավային տեղամասի տնօրեն պարոն Ջիվան Մարգարյանին, որով նրանք պարտավորվում էին  վճարել տեղադրված ջրաչափերի և օգտագործված ջրի դիմաց: