Ս.թ. ապրիլի 6-ից մինչև 12-ը Աշխատանքի Միջազգային Կազմակերպության /ԱՄԿ/ հրավերով Զբաղվածության պետական ծառայության կողմից Իտալիայի Հանրապետության մայրաքաղաք Հռոմ և Թուրին քաղաքներ գործուղվեց Մեղրու զբաղվածության տարածքային կենտրոնի տնօրեն Սարգիս Հակոբյանը` մասնակցելու <Գործընկերություն ԱՊՀ երկրների երիտասարդության զբաղվածության ոլորտում> ծրագրի շրջանակներում ԱՄԿ Մոսկվայի Բյուրոյի կողմից ԱՄԿ Թուրինի միջազգային ուսումնական <Կամպուս> կենտրոնում կազմակերպված ուսուցողական սեմինարին, որը նվիրված էր երիտասարդության զբաղվածության հիմնախնդիրներին:
Սեմինարի առաջին օրը անցկացվեց ԱՄԿ-ի Հռոմի գրասենյակում, որտեղ գրասենյակի ղեկավարը անդրադարձավ ԱՄԿ-ի և Իտալիայի աշխատանքի և սոցիալական քաղաքականության նախարարության համագործակցությանը, իսկ նախարարության ներկայացուցիչը ներկայացրեց Իտալիայի աշխատանքի և սոցիալական քաղաքականության նախարարության կառուցվածքն ու երիտասարդների զբաղվածության ոլորտում նախարարության վարած քաղաքականությունը:
Սեմինարի մյուս մասը անցկացվեց ԱՄԿ-ի Թուրին քաղաքի միջազգային ուսումնական <Կամպուս> կենտրոնում, որտեղ սեմինարի մասնակիցներին միջազգային տարբեր փորձագետների կողմից ներկայացվեց երիտասարդների զբաղվածության ոլորտի փորձագիտական վերլուծության իրականացման մեթոդներն ու միջոցները:
Սեմինարի ընթացքում մասնակից երկրների ներկայացուցիչները ներկայացրեցին երիտասարդների գործազրկության նվազեցմանն ուղղված իրենց երկրների փորձն ու ծրագրերը:
1 comment on Աշխատանքային այց Իտալիայի Հանրապետություն
Աշխատանքային այց Իտալիայի Հանրապետություն
One response to “Աշխատանքային այց Իտալիայի Հանրապետություն”
-
BRAVO SARQIS JAN
meghrinews 