Ս/թ մարտի 20-ին Մեղրի քաղաքի գեղագիտական կենտրոնի դահլիճում հրավիրված էր համայնքային ժողով: Այն նախաձեռնել էր Համայնքային աշխատանքային խումբը, որը ձևավորվել էր <<Քաունթերփարթ ինթերնեշնլ>> կազմակերպության հետ համագործակցության արդյունքում: Հաշվետու ժամանակաշրջանում համայնքում կատարված աշխատանքների մասին հաղորդումով հանդես եկավ Մեղրիի քաղաքապետ Արշավիր Հովհաննիսյանը, իսկ ՀԱԽ-ի կողմից իրականացված ծրագրերի մասին ներկայացրեց փոխքաղաքապետ Վանիկ Սարգսյանը: Ժողովին մասնակցում էր և ելույթ ունեցավ <<Քաունթերփարթ>>-ի ներկայացուցիչ, համայնքի կոորդինատոր Արթուր Վարդազարյանը: Ելույթներից հետո տարաբնույթ հարցադրումներով, համայնքային հնչեղություն ունեցող առաջարկություններով հանդես եկան համայնքի մի խումբ բնակիչներ: Միջոցառումը քաղաքացիական հասարակության ձևավորման, համայնքի կառավարմանը քաղաքացիների մասնակցության փայլուն օրինակ էր:
Նյութի աղբյուրը` այստեղ
meghrinews 