Ս/թ-ի նոյեմբերի 29-ին ՀՀ Սյունիքի մարզի Լեհվազ համայնքում Արսեն Մկրտչյանը “Ես ուզում եմ լինել կամավոր” ծրագրի շրջանակներում անցկացրեց սեմինար-դասընթաց: Դասընթացի առաջին փուլում մասնակիցները ծանոթացան կամավորական աշխատանքին, դիտեցին հոլովակներ և խմբերի բաժանվեով պատրաստեցին պաստառներ “Իմ դերը համայնքում որպես կամավոր” թեմայով:
Սեմինարի երկրորդ փուլում “Մեղրու կանանց ռեսուրս կենտրոն” ՀԿ-ի նախագահ Սաթիկ Հարությունյանը մասնակիցներին ծանոթացրեց թե ինչ է հասարակական կազմակերպությունը, ինչպես է այն աշխատում, ինչ ՀԿ-ներ են գործում Մեղրիի տարածաշրջանում:
Սեմինարի ընթացքում մասնակիցները վեր հանեցին իրենց համայնքի հիմնախնդիրները`փորձելով գտնել հնարավոր լուծման տարբերակներ, ստեղծեցին երիտասարդական ակտիվ խումբ, որը դեկտեմբերի 5-ին` կամավորության օրը, համայնքում կիրականացնի ծառատունկ:
Ծրագիրն իրականացվեց Երիտասարդական ակումբների դաշնության (FYCA) Հայաստանի երիտասարդական հիմնադրամի աջակցությամբ` ՀՀ Նախագահի կողմից տրված դրամաշնորհի միջոցով:
Ֆոտոշարքը՝ այստեղ
meghrinews 