2012 թ. սեպտեմբերի 1-ին վերաբացվեց Լեհվազ գյուղի նորոգված մանկապարտեզը, որն այժմ ունի 35 սան: Մանկաարտեզը վերանորոգվել է պատգամավոր Վահե Հակոբյանի շնորհիվ:

Մանկապարտեզի տնօրեն տիկին Նադիաի հետ հանդիպման ժամանակ խոսվեց հաստատությունում առկա մի շարք խնդիրների մասին, որոնցից առավել կարևորվեց տանիքի վերանորոգումը:

-Տանիքը վերանորոգման խիստ կարիք է զգում: Եթե չհետեվենք և չվերանորոգենք, կատարած ամբողջ աշխատանքը ջուրը կընկնի: Լեհվազի համայնքապետը դիմել է  ֆինանսավորող տարբեր կազմակերպությունների, սակայն դեռևս պատասխան չկա:

Իսկ այն հարցին, թե ինչ ակնկալիքներով են ծնողները երեխաների առօրյան վստահում մանկապարտեզի դայակներին,  տիկին Նադիան պատասխանեց.

-Այստեղ երեխաները ավելի ապահով են,  չեն մնում փողոցներում, ստանում են տարբեր գիտելիքներ, շփվում են իրար հետ և սահմանված կարգապահական կանոներին ենթարկվելով` ավելի կազմակերպված ու ինքնուրույն են դառնում:

Վերջում շնորհակալություն հայտնեց բոլոր այն անձանց, ովքեր իրենց ներդրումն են ունեցել մանկապարտեզի կայացման գործում,առանձնացնելով Լարիսա Արզումանյանին,  ով  բազմաթիվ խաղալիքներ է նվիրաբերել մանկապարտեզին: